Hakha cu Kawlram nitlak chaklei fing le tlang an tamnak Chin ramkulh khualipi a si. A liamcia kum tlawmpal ah Hakha khuachung khuasa an hung karh ciammam i dinti ah harnak a tong. Cu lio ah 2015 Chiapa thla dongh ah mincimhnak hun ton a si i minung a thong lengkai hmundang ah ṭhial hau in um. Hi kan dothlatnak nih a langhter mi cu zeitluk in dah ti harnak hi taksa nunnak le zatlang khuasaknak aa pehtlaih: Khuapi pakhat a si i, minung an hung karh tik ah zeitin in dah inn hmun an samh ti le khua an ser ning, tihram ngeih mi hna pawngkam vialte thinghau le thinghlam nak nih ti a chuak tawn mi le hman tawn mi a tlawmter, cun ti pekning le sersiam ning kong ah tangka hman awk pek lonak hna nih ti kong ah i zat lonak le harnak a chuahpi. Khuaram kan sersiam pah i ti kong biapi chiahnak nih ti harnak in i runven khawh a si, tiva horkuang sersiam ning, atu lio tawlrel cuahmah mi sipin ti peknak le hman ning kong ah laihlum khuasa hna le ti a hmang mi hna he i fonh in tiharnak in i runvennak timhtuahnak ngeihchih a herh. Cun, a biapi deuh rih mi cu ṭuanvo ngeitu le mizapi karlak ah i zumhnak, i bochannak le i ngamhtlaknak hna nih Hakha khuachung khuasa hna caah ti pek ning le ti hmuh ning ah hngatchan tlak le rinhchantlak a siter lai.